Giro d'Italia![]() | |
---|---|
![]() | |
Xeneral | |
Tipu de competición | Grandes Vueltes |
Deporte | ciclismu en ruta |
Parte de | UCI World Tour |
País | Italia |
Organizador | RCS MediaGroup |
Historia | |
Fundación | 1909 |
Competición | |
Periodicidá | Cada añu |
Web oficial | |
![]() |
El Giro d'Italia (AFI: [ˈdʒi.ro]) ye una competición ciclista per etapes de tres selmanes de duración, apostada nel mes de mayu n'Italia con un percorríu distintu cada añu. N'ocasiones tamién s'apuesta dalguna etapa nos países colindantes. Ye una de les tres Grandes Vueltes, la segunda n'apaecer históricamente. Dexó de formar parte del UCI ProTour, como les otres dos grandes vueltes, pa darréu integrase nel UCI World Ranking y UCI WorldTour.
El primer Giro d'Italia empezó'l 13 de mayu de 1909 en Milán con un total de 8 etapes y 2.448 quilómetros.
Trés ciclistes comparten el récor de victories nesta competición con cinco trunfos: Alfredo Binda (ente 1925 y 1933), Fausto Coppi (ente 1940 y 1953) y Eddy Merckx (ente 1968 y 1974).
El corredor con mayor númberu de victories d'etapes ye Mario Cipollini, que na edición de 2003, superó'l récor de 41 victories que tenía Alfredo Binda dende los años trenta.
Dende 1988 esiste un Giro d'Italia Femenín, siendo de les poques carreres femenines de más d'una selmana xunto a la Grande Boucle y el Tour de l'Aude Femenín (estes yá sumíes), anque ensin rellación cola d'homes.